Протестираат и српските земјоделци

Српските земјоделци од околината на Лозница протестираа во Бадовинци поради неисполнување на барањата доставени до Владата со порака „не ни застанувај на патот“. За време на протестот биле пресретнати од жандармеријата.

Земјоделците го блокираа сообраќајот во Бадовинци бидејќи владата не им ги исполни барањата. Нешто пред 12 часот полицијата дошла на местото на блокадата и ги опколила земјоделците.

За потсетување, сточарите, членовите на „Здружението за спас и преживување на сточарите од Западна Србија“ и Здружението „Нашето млеко“ за денеска најавија протест во Бадовинци и Лозница поради неисполнети барања.

Тие бараат смена на премиерот Милош Вучевиќ, министерот за земјоделство Александар Мартиновиќ и претседателот на собраниската Комисија за земјоделство Маријан Ристичевиќ.

Share on Facebook

Tweet

Follow us

Save