Пругата Бељаковце-Крива Паланка е со реализација од 40 отсто, моментално се гради најдолгиот мост

Бележиме засилени градежни активности на изградбата на пругата кон Бугарија, делница од Бељаковце кон Крива Паланка. Оваа делница е во должина од 34 километри. Во моментов засилено се гради најдолгиот мост број 7, во должина од 194 метри, еден од трите неизградени мостови, од вкупно 29 мостови, објави директорот на МЖ „Инфраструктура“, Синиша Ивановски.

Како што информира Ивановски преку Фејсбук, парелелно се произведуваат бетонските елементи потребни за санација на 26-те полуизградени мостови од 1990-тите.

-Вкупно треба да се произведат 352 бетонски елементи, а до моментов се произведени 71 со динамика од 10 неделно – дополни диекторот.

Според него, вкупен прогрес на проектот е околу 40 отсто, а проекцијата до крајот на оваа година е да се стигне до 50 проценти реализација.

-Продолжуваме со засилено темпо до конечна реализација на овој капитален инфраструктурен проект – рече Ивановски.

Share on Facebook

Tweet

Follow us

Save