Психопатот од Врачар не ги зело пиштолите од сефот на татко му? Шокантни откритија за масакрот во Рибникар?

Дека момчето-убиец (13) внимателно го подготвувало невиденото зло во ОУ „Владислав Рибникар“, потврди уште едно откритие на истражните органи. Два дена пред масовното убиство ја исклучил безбедносната камера во станот за да остави што помалку траги, вели добро информиран извор за српска Република.

Заедно со сите информации за неговите интереси, пребарувањата на интернет, книгите што ги читал, истражните органи откриле уште неколку важни детали.

Знаел како функционира форензиката

– Утврдено е дека момчето на 1 мај, односно два дена пред да упадне во училиштето и да отвори оган врз чуварот и учениците, ја исклучил безбедносната камера во станот која покривала дел од собата со плакарот. Во тој плакар бил куферот на неговиот татко. Куферот навистина има шифра, а неговиот татко чувал пиштоли и муниција во него. Момчето ја знаело таа шифра бидејќи станувало збор за патен куфер кој семејството често го користел, открива изворот.

Тој додава дека момчето на овој начин набавило два пиштоли кои на 3 мај ги понел со себе во својот ранец во училиште.

– Тој сака криминални серии, како „Злосторнички умови“, а токму во неколку епизоди од оваа серија убиецот ги брише сите траги зад себе исклучувајќи ја внатрешната камера во куќата. Знаел дека српските форензичари ќе ги прегледаат сите видеоснимки, вклучително и оние од станот, каде што ќе го видат како ги зема пиштолите. Неверојатно е дека ова убиство е толку прецизно подготвено од 13-годишно момче, наведува изворот.

Кога по апсењето на момчето-убиец почна да се расплетува клопчето на злосторствата во „Рибникар“, ниту најискусните инспектори на МУП не можеа да поверуваат кого имаат пред себе. Извештаите од училиштето укажуваат дека тој е натпросечно интелигентно момче кое се интересирало за спорт, но е вешто и во ракување со информатичките технологии.

– Сега е јасно дека тој можел да управува со опремата за безбедносен надзор во станот и по потреба да ги исклучува и вклучува камерите, забележува овој извор.

Детална мапа

Момчето го планирало злосторството најмалку еден месец, покажаа досегашните резултати од истрагата. Направил список на луѓе кои планирал да ги убие. Во својата соба имал и хартии на кои се гледа дека изработува план за спроведување на своите намери. На еден лист се гледа дека нацртал мапа на училиштето „Владислав Рибникар“ што е поделена по катови каде кое одделение има часови. На лист хартија напишал и кои се неговите „приоритетни цели“.

– Скицата личи на нешто од видеоигра или хорор филм, што укажува дека детално планирал како да влезе во училиштето и колку деца да убие од VII-2, VII-3, VIII-4 – беше наведено на прес-конференција по убиството. Момчето сега е на преглед кај психијатри и психолози во Клиничкиот центар на Србија. Таму е под специјален полициски надзор. Од извештајот на стручниот тим на КЦС зависи судбината на овој најмлад масовен убиец во светот.

Го проучувал Кривичниот законик

Непосредно пред злосторството, момчето на интернет го пребарало Кривичниот законик на Србија за да истражи дали децата можат кривично да одговараат.

– Врз основа на неговата потрага, констатирано е дека нападот во училиштето го организирал на конкретен датум бидејќи знаел дека до 14-тиот роденден му преостануваат нешто повеќе од два месеци и дека му преостанува уште толку време да го стори злосторството, а притоа да нема одговорност, вели извор запознаен со случајот.

Утврдено е и дека ноќта пред масовното убиство, тој гледал американски блокбастер за масакр во училиште во Америка.

Тренирал воена тактика

Детето-убиец се испробало во неколку боречки вештини, но најмногу го фасцинирала ерсофт, која се води како антистрес игра која тренира воено-тактички вештини, пред се, за возрасни. Тој посетувал еден таков клуб во Србија со својот татко. Со својот татко посетувалл и стрелиште во Белград, каде вежбал гаѓање со боева муниција.

Ристовиќ: На таткото му се закануваат 12 години затвор
На таткото на момчето му е одредена мерка притвор поради сомнение дека сторил тешко кривично дело против општата безбедност. Тој е обвинет дека не се грижел за чување на оружјето, па така неговиот син и дошол до два пиштоли и муниција, со кои убил девет соученици и училишниот чувар.

Како што наведува адвокатот Никола Ристовиќ, максималната казна за ова дело е 12 години затвор.

-Доколку настапила тешка телесна повреда на лице или материјална штета од поголеми размери, сторителот ќе се казни со затвор од една до осум години. Но, ако настапила смрт на едно или повеќе лица, сторителот ќе се казни со затвор од две до 12 години – објаснува Ристовиќ.

Share on Facebook

Tweet

Follow us

Save