Путин би можел да го нападне НАТО, велат американските разузнавачи

Американските разузнавачки служби проценуваат дека рускиот претседател Владимир Путин во следните неколку години би можел да изврши ограничен напад врз некоја членка на НАТО со цел да ја тестира подготвеноста и единството на Алијансата, објави Wall Street Journal, повикувајќи се на американски претставници запознаени со новата проценка.

Според извештајот, најризичниот период е од оваа есен до 2029 година. Меѓу можните сценарија што ги разгледуваат американските служби се кибернапади, саботажи, тајни операции со вооружени групи без официјални обележја, како и ограничен копнен упад во некоја земја од источниот дел на НАТО. Иако ваквиот упад засега се оценува како најмалку веројатно сценарио, проценките се дека ризикот би можел да расте со текот на времето.

Доколку Русија би презела таков чекор додека војната во Украина сè уште трае, целта, според американските претставници, не би била освојување територија, туку тестирање на членот 5 и создавање поделби меѓу сојузниците во НАТО.

Извештајот доаѓа во време кога во САД се води дебата за состојбата на залихите на напредно оружје по испораките за Украина и неодамнешните воени операции. Американскиот претседател Доналд Трамп ги отфрли тврдењата дека земјата се соочува со недостиг на оружје, наведувајќи дека американските залихи остануваат на високо ниво.

Share on Facebook

Tweet

Follow us

Save