Путин го разреши Анатолиј Антонов од функцијата руски амбасадор во САД
Претседателот на Русија, Владимир Путин, со указ го разреши досегашниот амбасадор во САД, Анатолиј Антонов, од таа позиција, како и од позицијата постојан набљудувач на Руската Федерација во САД.
Како што пренесува Интерфакс, претседателскиот декрет од 10 октомври е објавен на официјалниот интернет портал за правни информации.
Руското Министерство за надворешни работи минатата сабота соопшти дека Антонов ја завршил службата во Вашингтон. Дипломатот беше назначен за руски амбасадор во САД во август 2017 година.
На 7 октомври, помошникот на рускиот претседател, Јуриј Ушаков, им изјави на новинарите дека во моментов се работи на избор на нов руски амбасадор во САД, кој ќе го замени Антонов.
„Амбасадорот работеше за нас долго време. Работеше во навистина тешки услови, кога односите со САД беа практично на нула, без постојани контакти со претставници на американската администрација. Работата беше тешка“, рече Ушаков.
ПОВРЗАНИ ВЕСТИ
Руската разузнавачка служба тврди дека Брисел сака…
Руската Служба за надворешно разузнавање (СВР) објави…
Си-Ен-Ен: Американското разузнавање верува дека Иран подготвува…
Нови разузнавачки информации на САД укажуваат дека…
Бугарија спаси две руски банки од санкциите…
Бугарија побара од Европската Унија да ги…
Русија тврди дека погодила товарен брод со…
Руското Министерство за одбрана соопшти дека неговите…
САД разгледуваат намалување на военото присуство во…
Намалувањето на американското воено присуство во Европа…