Путин го слави седумдесеттиот роденден

Рускиот претседател Владимир Путин денеска слави роденден. Путин денес наполни 70 години, а по тој повод роденден му честитаа севернокорејскиот лидер Ким Јонг Ун, чеченскиот претседател Кадиров и белорускиот претседател Лукашенко.

„Ве молиме прифатете ги моите најискрени честитки за вашата годишнина. Како вистински водач на голема сила, вие донесувате добро обмислени и тешки одлуки со цел да се обезбеди независен развој на Руската Федерација и да се заштитат традициите и вредностите на Руски народ“, рече претседателот на Белорусија.
Лукашенко му посака на Путин „одлично здравје, креативни достигнувања во корист на руската држава и долг живот опкружен со љубезно семејство и сигурни пријатели“.

Шефот на Чеченија Рамзан Кадиров му го честиташе 70-тиот роденден на рускиот претседател Владимир Путин.

„Во судбината на чеченскиот народ, рускиот претседател Владимир Путин одигра клучна улога. Во најтешките времиња за регионот, тој силно го поддржа курсот на нашиот прв претседател, херојот на Русија, Ахмат-Каџи Кадиров, ја спаси републиката, подигна од урнатините, а во исто време и цела Русија од тоталното насилство од меѓународниот тероризам и бандитизам“, напиша Кадиров на својот канал на Телеграм.

Севернокорејскиот лидер Ким Џонг-ун му го честиташе 70-тиот роденден на рускиот претседател Владимир Путин, јавува Корејската централна новинска агенција (КЦНА).

„Задоволен сум што гледам невиден раст на взаемната поддршка и соработка меѓу двете земји во борбата за понатамошен развој на традиционалните корејско-руски односи… во духот на договорите постигнати на нашата прва средба во Владивосток во 2019 година“, напиша Јонг-ун.
Тој изрази надеж дека неговите лични пријателски односи со претседателот на Русија ќе одиграат голема улога во континуираното зајакнување и развој на пријателството меѓу двете земји. Тој на рускиот претседател му посака добро здравје, среќа и голем успех во работата, забележува Централниот комитет.

Share on Facebook

Tweet

Follow us

Save