INFOMAX.MK

Рускиот претседател Владимир Путин изјави дека доколку САД ѝ испорачаат на Украина ракети „Томахавк“, односите меѓу Русија и САД би можеле да бидат уништени, пренесува Индиа Тајмс.

„Ова ќе доведе до уништување на нашите односи, или барем на позитивните трендови што се појавија во овие односи“, рече Путин во видео клип објавен денес.

Се потсетува дека американскиот потпретседател Џej Дi Венс неодамна изјави дека Вашингтон го разгледува барањето на Киев за набавка на ракети „Томахавк“ со долг дострел во војната на Украина против Русија.

Украинскиот претседател Володимир Зеленски побара од САД да им продадат ракети „Томахавк“ на европските земји, кои тие би ги испратиле во Украина.

Ванс за „Фокс њуз Сандеј“ изјави дека американскиот претседател Доналд Трамп ќе ја донесе „конечната одлука“ дали да го одобри договорот.

„Секако разгледуваме некои барања од Европејците“, рече Ванс.

Ракетите „Томахавк“ имаат дострел од 2.500 км и би биле моќно средство во арсеналот на Украина додека се бори против постојаниот бран од руски ракетни и беспилотни летала.

Таквата испорака на оружје речиси сигурно би била сфатена од Русија како ескалација на нејзината војна во Украина.