Путин: Односите меѓу Кина и Русија се на исклучително ниво

Рускиот претседател Владимир Путин изјави во вторникот дека односите меѓу Москва и Пекинг достигнале „историско ниво без преседан“, соопштија руските државни агенции.

Путин се сретна со кинескиот потпретседател Џанг Гуокинг на Источниот економски форум и рече дека тој и кинескиот претседател Си Џинпинг имаат „пријателски лични и деловни односи“, пренесе ТАСС.

„Тоа секако помага во развојот на билатералните односи и меѓудржавните врски“, рекол Путин.

Путин го пофали и „многу високото“ ниво на економска и политичка соработка меѓу Москва и Пекинг.

„Се разбира, сето ова е дериват на постигнатото на политичко ниво“, рече тој и додаде дека резултатите не се само добри, туку одлични“.

Share on Facebook

Tweet

Follow us

Save