Путин: Оружјето од Украина преку црниот пазар пристигнало до Блискиот Исток

Рускиот претседател Владимир Путин изјави дека оружјето од Украина до Блискиот Исток најверојатно пристигнало преку црниот пазар.

„Се сомневам дека Украина директно испорачувала оружје, но не се сомневам дека има истекување оружје од Украина. Нивото на корупција во Украина е исклучително високо. Се создава црн пазар и има многу што сакаат да купат оружје, а во Украина има многу што сакаат да го продадат“, рече Путин на прес-конференција по завршувањето на самитот на Заедницата на независни држави (ЗНД) во Киргистан.

Според израелските медиуми, најмалку 1.300 Израелци биле убиени во нападите на Хамас, додека 3.300 луѓе биле повредени. Палестинското Министерство за здравство соопшти дека во израелските воздушни напади загинале речиси 1.800 Палестинци, а повредени се 6.388 лица.

Share on Facebook

Tweet

Follow us

Save