Путин со честитка за 8-ми март: Им се обрати на мајките, сопругите, бидете горди на вашите најмили кои се борат во Украина

Сакам да апелирам до мајките, сопругите, сестрите, невестите и девојките на нашите војници и офицери кои сега се борат, кои ја бранат Русија во текот на специјалната воена операција.

Разбирам дека сте загрижени за вашите најмили. Може да бидете горди на нив и целата држава се гордее со нив и се грижи заедно со вас, порача рускиот претседател Владимир Путин кој им се обрати на роднините на војниците по повод Осми март.

-Истакнувам дека војниците кои служат воен рок не се и нема да учествуваат во конфликтот и нема да има дополнителен повик за резервисти. Поставените задачи ги решаваат само професионални војници, нагласи тој и додаде дека е сигурен дека тие ќе обезбедат мир и сигурност за рускиот народ.

Путин им се заблагодари и на жените кои служат во оружените воени сили на Руската Федерација.

-Посебни зборови со почит за жените кои ја вршат нивната должност, служат во редовите на оружените воени сили на Русија. Ви благодарам за лојалноста кон татковината, изјави тој.

Share on Facebook

Tweet

Follow us

Save