Путин: Ќе овозможиме непречен поморски транзит на стоки со турските партнери

Рускиот претседател Владимир Путин изјавил дека е подготвен да го олесни непречениот извоз на жито од украинските пристаништа во координација со Турција.
Рускиот Претседател ова го изјавил во разговор со турскиот претседател Ердоган. Тој, исто така, повторил дека Русија би можела да извезува големи количини ѓубрива и храна доколку бидат укинати санкциите против Москва, соопшти Кремљ.

„За време на дискусијата за ситуацијата во Украина, акцент беше ставен на обезбедување безбедна пловидба во Црното и Азовско Море и елиминирање на заканите од мини во нивните води“, се вели во соопштението на Кремљ.

„Владимир Путин ја истакна подготвеноста на руската страна да овозможи непречен поморски транзит на стоки во координација со турските партнери. Тоа важи и за извозот на жито од украинските пристаништа“, соопшти Кремљ.

Share on Facebook

Tweet

Follow us

Save