Путин ќе ја посети Кина во октомври, потоа Турција, а можеби и Индија

Рускиот претседател Владимир Путин доби покана да ја посети Кина и има намера тоа да го направи во октомври кога ќе се одржи форумот „Еден појас еден пат“, изјави Јуриј Ушаков, помошник на рускиот лидер за меѓународни прашања.

„Познато е дека добивме покана и дека имаме намера да одиме во Кина кога ќе се одржи форумот „Еден појас еден пат“, изјави тој за новинарите.

Посета на Турција

Исто така, Ушаков рече дека Москва и Анкара ја планираат посетата на Владимир Путин на Турција, но дека датумот се уште не е договорен.
„Во однос на контактите со претседателот на Турција, Реџеп Таип Ердоган, можам да потврдам дека планот на двете страни е да се реализира посетата на нашиот претседател, но се уште не сме договориле конкретни датуми. Се споменуваше август, но и други варијанти“, рече тој.
Тој потсети дека Путин му ветил на Ердоган дека ќе дојде во Турција веднаш по победата на Ердоган на последните избори во мај.

Самит на Г20 во Индија

За самитот на Г-20 во Индија, Ушаков рече дека форматот на учество на рускиот претседател се уште не е прецизиран – поканата е пристигната и не е исклучена посетата на Индија.

Share on Facebook

Tweet

Follow us

Save