Радев: Македонските власти немаат познавање на европското законодавство

t

Бугарскиот претседател Румен Радев и грчкиот премиер Киријакос Мицотакис на последната работна средба во Атина ја критикуваа новата влада во Скопје. Радев рече дека новите лидери имаат недостиг на знаење.

„Македонскиот државен врв очигледно не е подготвен. Познавањето на меѓународното право е неопходно, што очигледно недостасува. Кога ќе се потпише меѓународен договор, тој треба да биде почитуван од сите идни влади и да не се ревидира. Јасно е дека немаат никакво познавање на европското законодавство бидејќи кога има заклучоци на Советот на ЕУ, одобрени со консензус, тие не се предмет на преговори туку треба да се исполнат“, вели Радев.

Тој додаде дека Северна Македонија има многу да научи и дека е подготвен да помогне бидејќи, како што рече, тие секогаш и помагале на земјата на нејзиниот европски пат.

Одговорот на Радев е продолжување на острите позиции што ги разменуваше со Мицкоски преку медиумите во последните денови од промената на власта во државата. Премиерот Христијан Мицкоски пред два дена изјави дека за Договорот со Бугарија може повторно да се преговара, како што бил дополнет со францускиот предлог.

Можноста за повторно преговарање за меѓународните договори на земјата и промена на преговарачката рамка со ЕУ ја отфрлија и меѓународните претсавници, меѓу кои и американската амбасадорка во Скопје, Ангела Агелер.

ПОВРЗАНИ ВЕСТИ

Теута Арифи по рочиштето: „Невина сум, не…

Пред тетовскиот суд денеска започна судскиот процес…

Ангелов го упатил граѓанинот да пријави барање…

Стојанче Ангелов го упатил граѓанинот да пријави…

Уапсен 18-годишник, осомничен за лажна дојава за…

18-годишник од Тетовско е осомничен за лажна…

Руската разузнавачка служба тврди дека Брисел сака…

Руската Служба за надворешно разузнавање (СВР) објави…

Со пиштол и се заканувал на сопругата…

МВР информира дека доцна синоќа во 22:05…