Радев ѝ го додели мандатот за формирање на влада на Марија Габриел

Претседателот Румен Радев ѝ го додели првиот мандат за формирање влада во Бугарија на кандидатката за премиер на ГЕРБ-СДС Марија Габриел.

„Очекувам во рок од една недела, согласно Уставот, да ја презентирате структурата и составот на Советот на министри“, додаде шефот на државата.

„Ја преземам одговорноста за истражувачкиот мандат за формирање влада. Ви благодариме што вие и претседателската институција сте гаранти за почитување на врховниот закон на Република Бугарија – Уставот. Ве уверувам дека ќе направам се за Бугарија да има стабилна, работна редовна влада“, изјави Марија Габриел.

Таа потсети дека нејзиниот предлог ќе биде експертска влада, обединета околу јасни приоритети кои имаат една цел – благосостојбата на Бугарите и авторитетот на Бугарија.

„Треба многу подетално да се исцртаат целокупните приоритети, и за тоа ќе го искористам рокот од една недела. Има многу јасни цели кои се споделени: мерки за справување со инфлацијата и цените и фокусирање на младите, иновациите, науката, образованието. Ќе сметам на широка поддршка за приоритетите важни за Бугарија“, истакна Габриел.

Румен Радев го предупреди кандидатот за премиер дека ќе наиде на многу пречки на патот кон формирање на редовна влада и како одлучувачки ги дефинира следните два дена.

Share on Facebook

Tweet

Follow us

Save