Рашковски незakoнски ѝ дал дозвола на гостиварска фирма, му се оддолжила со „количе за жената“ од 50.000 евра

t

Сопругата на поранешниот генерален секретар на Владата Драги Рашковски во февруари добила на подарок автомобил Доџ Вајпер СРТ од 2005 година, чија што пазарна вредност е најмалку 50 илјади евра, а во анкетниот лист на Рашковски е пријавено дека вреди 5 илјади евра, откри Антикорупциската комисија. Автомобилот претходно бил во сопственост на лице, кое го наводно го купила од гостиварската фирма во ноември минатата година за 5 илјади евра.

Според предметот на Антикорупциската комисија, истата гостиварска фирма во декември минатата година побарала од Генералниот секретаријат на Владата во декември 2018, додека генерален секретар беше Рашковски, за имот со деловен простор во Гостивар во сопственост на државата да ѝ биде пренесено правото на градење и уредување.

Генералниот секретаријат веднаш го доставил барањето до Министерството за транспорт и врски, од каде што добиле одговор дека не се исполнети законските услови за пренесување на правото за градење утврдени во Законот за градење.

Но, и покрај негативното мислење од министерството, Генералниот секретаријат на владина седница доставил информација со преддоговор за пренесување на правото за градење на гостиварската фирма. Информацијата не поминала на влада.

Од Антикорупциската комисија велат дека оттука произлегуваат сомневањата за незаконитото постапување на Драги Рашковски, генерален секретар на Владата, а со цел примање награда за истото, во конкретниот случај возилото и доставуваат иницијатива до Обвинителството за гонење организиран криминал и корупција за утврдување на одговорност за Драги Рашковски.

Рашковски наскоро го очекува судење по обвинение на Обвинителството за организиран криминал и корупција, кое по шестмесечна истрага го обвини поранешниот генерален секретар на Владата Драги Рашковски за злоупотреби на пари од Буџетот за купување на софтвери што тој ги инвовирал, а никаде не биле потребни.

Во истрагата која беше поделена на два дела, обвинети се уште 6 лица, со Рашковски вкупно седум.

ПОВРЗАНИ ВЕСТИ

Драма во Гостивар: Го удрил со кола,…

МВР соопшти дека вчера (9.12.2023) во 13…

(Видео) На границата помеѓу САД и Канада…

На границата помеѓу САД (Државата Њу Јорк)…

Во Битола приведена скопјанка барана со шест…

Денеска (21.11.2023) околу 17 часот полициски службеници…

Скопјaнка го прободела бившиот партнер со ножици,…

Жена осомничена за обид за убиство на…

Гром уби жена и маж на плажа…

Маж што продавал лежалки на плажа и…