Револуција во медицината: Нова инјекција ги „брише“ туморите дури и кога хемотерапијата не успева

Инјекција што го содржи антителото „амивантамаб“ може да ги искорени целите тумори кај пациентите, според резултатите од истражувањето спроведено во 11 земји.

Инјекцијата со тројно дејство може да ги искорени целите тумори кај пациентите и покажа „невидени силни одговори“ кај пациенти чија болест станала отпорна на хемотерапија и имунотерапија, пренесува „Гардијан“.

За време на истражувањето, инјекцијата им била дадена на пациенти чиј рак се проширил или се вратил бидејќи болеста не реагирала на други третмани, а таа ги намалила туморите кај повеќе од една третина од пациентите, со драматични промени што биле забележани во рок од неколку недели, а кај 15-те кои учествувале во истражувањето, лекарите изјавиле дека лекот целосно ги уништил нивните тумори.

Студија во која учествувале 102 пациенти со различни форми на вообичаени видови на рак покажала дека туморите се намалиле или целосно исчезнале кај 43 пациенти, вклучувајќи 28 чии тумори значително се намалиле и 15 чии тумори биле целосно излечени.

Оваа инјекција делува на три начина – го блокира и ЕГФР (рецептор на епидермален фактор на раст), протеин кој им помага на туморите да растат, и МЕТ, пат што клетките на ракот често го користат за да избегнат третман. Исто така, помага да се активира имунолошкиот систем за напад на туморот.

За разлика од многу третмани за рак, „амивантамаб“ се дава како мала инјекција под кожата, наместо преку интравенска капка по капка, што го прави третманот побрз и поудобен за пациентите и многу полесен за спроведување во амбулантите.

Резултатите од истражувањето ќе бидат презентирани во Чикаго на најголемата светска конференција за рак, годишниот состанок на Американското здружение за клиничка онкологија (Аско).

Share on Facebook

Tweet

Follow us

Save