Реконструирани дел од пешачката и велопатека на улица “16 Македонска бригада”

ЈП „Улици и патишта“ по налог на Град Скопје деновиве го реконструираа оштетениот дел на пешачката и на велопатеката на улицата 16 Македонска бригада, односно пред кружниот тек во населба Железара.

– При реконструкцијата извршен е ископ на оштетениот асфалт на дел од површината, отстранети се и оштетените бекатон плочи, а потоа се поставени рабниците, тампон слој и нова асфалтна маса на површина од 550 квадратни метри – информираат од Град Скопје.

Оттаму соопштуваат дека за асфалтирање на овој дел од патеките употребени се 90 тони асфалтна маса.

– Во текот на реконструкцијата на оваа површина, екипите ги санираа и оштетувањата на пристапната патека кон Паркот на природата Гази Баба со површина од 250 квадратни метри. Со санирањето на оштетените површини се овозможува безбедно движење на пешаците и на велосипедистите во овој дел на градот – објаснуваат градските власти.

Share on Facebook

Tweet

Follow us

Save