РКЕ најави поскапување на горивата од 30 декември

Регулаторната комисија за енергетика, водни услуги и услуги за управување со комунален отпад (РКЕ) донесе одлука за зголемување на малопродажните цени на нафтените деривати за просечно 1,23% во однос на одлуката од 22 декември 2025 година. Од 30.12.2025 година, со почеток од 00:01 часот, новите максимални цени ќе изнесуваат:

Моторен бензин ЕУРОСУПЕР БС-95: 70,50 ден/литар

Моторен бензин ЕУРОСУПЕР БС-98: 72,50 ден/литар

Дизел ЕУРОДИЗЕЛ БС (Д-Е V): 65,00 ден/литар

Масло за горење Екстра лесно 1 (ЕЛ-1): 64,00 ден/литар

Мазут М-1 НС: 33,649 ден/кг

Цените на бензините ЕУРОСУПЕР БС-95 и БС-98, дизелот и Екстра лесното масло се зголемуваат за по 0,50 ден/литар, додека малопродажната цена на мазутот се зголемува за 1,042 ден/кг. Според РКЕ, референтните цени на нафтените деривати на светскиот пазар во споредба со претходната пресметка бележат раст: бензините за 1,908%, дизелот за 1,970%, екстра лесното масло за 1,282%, а мазутот за 5,201%. Курсот на денарот во однос на доларот, кој беше користен за пресметка на цените, е понизок за 0,1801% во споредба со претходниот период.

Share on Facebook

Tweet

Follow us

Save