INFOMAX.MK

СТАНЕТЕ БРАЌА, НЀ ПРЕДАДОА! Со овие зборови им се обратил домаќинот Митре на комитите од гоцевата чета, во мугрите пред самото погибие на војводата…

…Сто и дваесет години подоцна во „слободна” и „независна” Македонија, одново нѐ предаваат и продаваат неразбраните безскрупулозни трговци од „нашата влада” и „нашата држава”.

Предавството е сѐ посилно и сѐ поприсутно од година в година. Слободно се веат знамиња на туѓи држави и организации, се искажуваат територијални претензии и закани за окупација сред Скопје, а се поведуваат прекршочни и кривични пријави за употреба на националното и семакедонско знаме – шеснаесетзрачното сонце од страна на родољуби. И сето тоа поминува незабележано!

Провокациите одат дотаму што официјални преставници на соседни држави, евро пратеници од центарот на Скопје ни порачуваат дека ова е бугарска земја и дека ќе остане без рака секој кој ќе дигне рака на некој од бугарските провокатори…

Затоа,
СТАНЕТЕ БРАЌА, ПОВТОРНО НЀ ПРЕДАДОА!

РОДИНА МАКЕДОНИЈА го подржува и се придружува на повикот за бдение на гробот на апостолот на македонската револуционерна борба Гоце Делчев на 3.2.2023 год пред црквата Св.Спас и ги повикува своите членови, симпатизери и сите освестени Македонци на вечерно бдение и утринско положување цвеќе на гробот на апостолот на слободата.

Гоце е еден од најголемите македонски синови и нема да дозволиме да биде предмет на изживување и присила, ниту пак паричка за поткусурување за дневно политички теми од секундарен интерес за нас, Македонците.

МАКЕДОНИЈА НА МАКЕДОНЦИТЕ!

Соопштение на политичка партија родина!