Родители бараат прекин на наставата поради неклиматизирани училишта

Високите температури ја отежнаа наставата во дел од скопските училиште. Во основното Климент Охридски, зградата која е стара не е климатизирана, па единствено што можеа наставниците да направат е ширум да ги отворат вратите и прозорците.

Директорката Симоновска вели дека учениците и наставниците веќе губат концентрација, а имале и случаи каде на неколку основци им било лошо. Поради немање услови за одржување на настава, бараат на 10-ти јуни да заврши годината.

На иста линија и невладината „Промени се“. Оттаму сметаат дека македонските училишта немаат услови за одржување на настава на 40 степени. Бараат МОН да ја поништи одлуката и прашуваат кој ќе одговара доколку нешто им се случи на наставниците и учениците како последица од топлотниот бран.

Конечната одлука, дали ќе прекине наставата ја има министерот за образование. Јетон Шаќири, кој е во заминување од оваа функција и се чека да го каже поселедниот збор.

Ова е прва година како МОН одлучи да воведе пролетен распуст за учениците и да ја продолжи учебната година до 17-ти јуни. Во изминатите денови откако земјава е зафатена од топлотен бран, родители реагираа на социјални мрежи дека поради високите температури биле повикани во училиштата за да си ги земат децата.

Share on Facebook

Tweet

Follow us

Save