“Родители” Германци си го заборавиле синчето во Хрватска и си го продолжиле патувањето…

Брачна двојка од Германија случајно го оставила својот син тинејџер на паркинг покрај автопатот кај Славонски Брод во Хрватска и си го продолжиле патувањето.

Тинејџерот го заборавил мобилниот телефон во автомобилот во кој биле неговите родители и брат, а нивните броеви не ги знаел на памет, пренесува Дневник.хр.

Од полициската управа Брод – Посавина потврдија дека во саботата во 08:50 часот добиле пријава за тинејџер од Германија (17) кој родителите случајно го заборавиле на паркингот на автопатот А3 кај Славонски Брод и го продолжиле патот без него.

Автомобилот со германски регистарски таблички го управувал 51-годишен татко, додека во возилото спиеле постариот брат и мајката.

Таткото (51) излегол од возилото на паркинг, а потоа се вратил во автомобилот, но не забележал дека излегол и неговиот помал син.

„Полициските службеници за овој случај веднаш ги известиле другите полициски одделенија со цел што поскоро да се лоцира семејството на напуштениот тинејџер. Полицајците му помогнале и го пренеле до станицата каде преку социјалните мрежи стапиле во контакт со неговото семејство“, објави полицијата.

По успешната комуникација меѓу полицајците и таткото, кој сфатил дека во автомобилот не е помалиот син, семејството се вратило да го земе тинејџерот околу 10.50 часот.

Share on Facebook

Tweet

Follow us

Save