Рубио вели дека секој договор со Иран ќе ја гарантира безбедноста на сојузниците на САД во Заливот

Американскиот државен секретар Марко Рубио денеска им кажа на сојузниците од Заливот дека нивните интереси ќе бидат земени предвид во секој договор со Иран.

Рубио е на турнеја низ Блискиот Исток, чија цел е да го смири скептицизмот меѓу американските партнери во регионот во врска со прелиминарните договори постигнати со Техеран.

Тој се сретна со министрите за надворешни работи на земјите од Заливот и претставници од Бахреин, каде се наоѓа Петтата флота на американската морнарица.

Американскиот државен секретар рече дека Вашингтон се стреми кон траен мир со својот долгогодишен непријател што нема да ја поткопа безбедноста и просперитетот на сојузниците на САД во регионот богат со нафта.

Share on Facebook

Tweet

Follow us

Save