Русите повторно го нападнаа родниот град на Зеленски

Уште една руска ракета денеска го погодила Кривиј Рих, само половина ден откако неколку руски проектили погодиле хидраулични системи долж реката Инхулец, предизвикувајќи значителни поплави.

Инаку, Криви Рих е родниот град на украинскиот претседател Володимир Зеленски.

Проектилот погодил фабрика во индустрискиот дел на градот, изјави Олександр Вилкул, шеф на воената управа на Кривји Рих и додаде: „Се работи за сериозно уништување“.

Вилкул рече дека властите се обидуваат да утврдат дали има жртви.

Да потсетиме, синоќешниот ракетен напад врз хидраулични системи предизвика итна евакуација и повеќе од 100 поплавени домови. Украина истакнува дека Русите продолжуваат да ја таргетираат критичната инфраструктура со цел да се одмаздат за успешната украинска контраофанзива и ослободувањето на окупираната територија.

Share on Facebook

Tweet

Follow us

Save