Русија го тpece Балканот: Бараат повлекување на НАТО од Бугарија и Романија – дали и Македонија е на масата?

Безбедносните гаранции што Русија ги бара од Западot вклучуваат одредби со кои се бара силите на НАТО да ги напуштат Романија и Бугарија, соопшти руското Министерство за надворешни работи.

Москва побара правно обврзувачки гаранции од НАТО дека блокот ќе го запре своето проширување и ќе се врати на своите граници од 1997 година.

Одговарајќи на прашање за тоа што би значело тоа за Бугарија и Романија, кои се приклучија на НАТО по 1997 година, Министерството рече дека Русија сака сите странски трупи, оружје и друг воен хардвер да бидат повлечени од тие земји.

На 27 март 2020 година, Република Македонија стана триесетта земја членка на Алијансата. Се поставува прашањето дали Русија ќе бара и повлекување на НАТО од Македонија?

Во меѓувреме Руското Министерство за одбрана соопшти дека ќе бидат испратени два баталјона ракетни системи земја-воздух С-400 во Белорусија. Вооружувањето се испраќа во рамките на воените вежби што ќе се одржат следниот месец.

Министерството за одбрана соопштува дека двата баталјона С-400, што вообичаено вклучуваат осум против-воздушни ракетни системи, во моментов со воз се префрлаат во Белорусија од рускиот Далечен Исток

Официјална Москва најави дека во Белорусија ќе бидат распоредени и 12 борбени авиони „Су-35“ и еден ракетен систем „Панцир“.

Руските воени сили и опрема неделава почнаа да пристигнуваат во Белорусија за учество во воената вежба „Сојузничка одлучност“, што ќе се одржи во близина на западната граница на Белорусија со членките на НАТО – Полска и Литванија, како и во близина на нејзиното јужно крило со Украина.

Share on Facebook

Tweet

Follow us

Save