Русија: Зошто на Америка е против прекин на огнот во Газа?!

Постојаниот претставник на Русија во Обединетите нации Василиј Небензја на седницата на Советот за безбедност на Обединетите нации ги запраша своите американски колеги зошто Вашингтон е против прекин на огнот во Појасот Газа, но тие не одговорија.

„Би сакал да поставам прашање до американскиот претставник: Објаснете зошто сте против прекинот на огнот. Дали ова значи дека САД, како постојана членка на Советот за безбедност, ја поддржуваат доктрината за целосна одмазда во Газа? Каде е вашето сочувство за цивилите, кое толку слатко го изразувате на секој состанок на Советот за Украина? Во исто време, животите на цивилите во Украина не се ни приближно загрозени како Палестинците во Газа. Или мислите само на оние на европскиот континент, додека палестинските животи никому не му се важни во Вашингтон?“, праша Небензја.

Тој ги упати истите прашања до западните делегации во Советот за безбедност на ОН, кои „срамежливо се воздржаа“ од гласање за сите нацрт-резолуции со кои се бара прекин на огнот.

Share on Facebook

Tweet

Follow us

Save