Објавено на:

Русија и Украина разменија 230 воени заробеници

t

Русија и Украина денеска објавија дека размениле 230 заробеници, меѓу кои и руски војници заробени за време на украинската офанзива во рускиот пограничен регион Курск.

„По преговорите, 115 руски војници заробени во регионот Курск беа вратени од територијата под контрола на режимот во Киев. Во замена беа предадени 115 воени заробеници на украинските вооружени сили“, соопшти руското Министерство за одбрана.

Ослободените руски војници моментално се наоѓаат на територијата на Белорусија, близок сојузник на Москва, додаваат од Министерството.

Украинскиот претседател Володимир Зеленски денеска потврди дека во земјата се вратени 115 украински борци и рече дека тие се припадници на Националната гарда, вооружените сили, морнарицата и Националната гранична служба.

Размената е остварена, како и многубројните претходни, со посредство на Обединетите Арапски Емирати, кои рекоа дека се „сигурен посредник кој ја поддржува дипломатијата за решавање на кризата меѓу двете земји“.

ПОВРЗАНИ ВЕСТИ

Франција потврди присуство на свои војници во…

Француски воени припадници веќе неколку месеци се…

Путин и Си ја продлабочуваат соработката: Русија…

Рускиот претседател Владимир Путин и кинескиот претседател…

Руската разузнавачка служба тврди дека Брисел сака…

Руската Служба за надворешно разузнавање (СВР) објави…

Бугарија спаси две руски банки од санкциите…

Бугарија побара од Европската Унија да ги…

Русија тврди дека погодила товарен брод со…

Руското Министерство за одбрана соопшти дека неговите…