Русија објави услов за продолжување на единствениот договор со Украина од почетокот на војната

Руското Министерство за надворешни работи објави дека Москва ќе се согласи да го продолжи Црноморскиот договор за жито, кој овозможува безбеден извоз од украинските пристаништа, само доколку се земат предвид интересите на нејзините земјоделски производители.

„Руската страна нагласи дека продолжувањето на пакетот договор за жито е можно само доколку се земат предвид интересите на руските земјоделски производители и производители на ѓубрива во однос на непречен пристап до светските пазари“.

Договорот, со посредство на ОН и Турција, треба да биде обновен овој месец. Украина рече дека ќе бара подолго продолжување до една година за да се овозможи подобро планирање, а исто така би сакала да биде вклучен и Миколаив.

Share on Facebook

Tweet

Follow us

Save