Русија произведува нов камикази-дрон со кинески мотор
Од минатата година, Русија произведува ново беспилотно летало со долг дострел наречено „Харпи-А1“ користејќи кинески мотори и делови и го употребила ова оружје во војната во Украина, соопштија два европски разузнавачки извори и документи доставени до Ројтерс, пренесе БТА.
Разузнавањето, кое вклучува договор за производство на новиот дрон, кореспонденција на компанијата во врска со производството и финансиските документи, укажува дека електромеханичката фабрика Ижевск (ИЕМЗ) „Купол“, која е подружница на рускиот државен производител на оружје „Алмаз-Антеј“, има произведено повеќе од 2.500 дронови „Харпи“ од јули 2023 до јули 2024 година.
Постоењето на нов руски дрон, за чие создавање беше користена и кинеска технологија, досега не беше пријавено. ИЕМЗ „Купол“ и „Алмаз-Антеј“ не одговориле на барањата за коментар.
Двата разузнавачки извори рекоа дека „Харпи“ бил користен против воени и цивилни цели во Украина, оштетувајќи ја критичната инфраструктура и предизвикувајќи цивилни и воени жртви.
ПОВРЗАНИ ВЕСТИ
Британец со деменција по 25 години живеење…
На 74-годишниот Британец Хорас Мејсон, кој повеќе…
„Пет недели граѓаните на Гостивар се без…
Пет недели по избивањето на кризата со…
„Пулс“ без противпожарна заштита и со над…
Судењето за трагичниот пожар во кочанската дискотека…
Надминат проблемот со здравственото осигурување на вработените…
Министерството за внатрешни работи и Фондот за…
Огнена стихија низ Европа: Илјадници евакуирани, следува…
Европа повторно е зафатена од екстремни горештини…