Русија протера хрватски дипломати

Руското Министерство за надворешни работи соопшти дека протерува петмина од персоналот на хрватската амбасада во Москва како одговор на тоа што Загреб донел одлука да протера дел од персоналот.

Во април Хрватска побара од 24 претставници на руската амбасада да ја напуштат Хрватска поради нападите на Москва во Украина.

Руското Министерство за надворешни работи, исто така, соопшти дека на хрватскиот амбасадор Томислав Цар му бил врачен „одлучен протест поради неоснованите напори на властите на Хрватска да ја префрлат вината на Русија за воените злосторства во Украина и за хрватската помош на неонацистичкиот режим во Киев“.

„Како одговор на претходните непријателски чекори на Загреб за намалување на дипломатскиот персонал на руската амбасада, (на хрватскиот) амбасадор Томислав Цар му беше предадена на нота во која пет дипломати на хрватската амбасада во Москва се прогласуваат за персона се грата“, се вели во соопштението.

Share on Facebook

Tweet

Follow us

Save