Русија со документи ќе докажува дека Украина провоцира со употреба на хемиско оружје

Русија ќе испрати документи до Организацијата за забрана на хемиско оружје за можна провокација на Киев со употреба на хемиско оружје во Украина, изјави постојаниот претставник на Русија во OPCW, Александар Шулгин.

„Врз основа на она што сега го гледаме во Украина, тоа се планови кои предизвикуваат страв дека ќе има хемиска провокација. Ова е многу сериозна работа. Денес, или утре наутро, ќе ги испратиме документите до Техничкиот секретаријат и ќе побараме од нив да ги означат како национални документи на Русија на 99-тата седница, која сега се одржува во Хаг, и ќе ја дистрибуираме оваа информација до сите членки на OPCW.

Ќе видиме како техничкиот секретаријат ќе реагира во оваа ситуација“, изјави Шулгин за телевизискиот канал „Русија 24“.

Шулгин додаде дека руската страна го информирала ОПЦВ и за можноста за подготовка на провокација во експерименталниот нуклеарен реактор во Харков.

Претходно портпаролот на Министерството за одбрана на Русија, генерал-мајор Игор Конашенков изјави дека постои можност украинските националисти подготвуваат провокација со употреба на отровни материи за да ја обвинат Русија за наводно користење хемиско оружје.

Според него, ноќта на 9 март милитантите донеле околу 80 тони амонијак во селото Золочив северозападно од Харков, а според сведочењето на жителите кои ја напуштиле населбата, националистите ги научиле како да постапат во случај на хемиски напад.

Share on Facebook

Tweet

Follow us

Save