Русија со жесток напад на Украина: Летаат ракети насекаде!

Најмалку едно лице загина, а четворица се повредени во руски ракетен напад врз Днепропетровск. Најмалку уште едно лице е рането во Харков, јавуваат агенциите.

Во областа Днепропетровск едно лице загина, а четворица се ранети во руски ракетен напад, изјави гувернерот на регионот Серхеј Лисак. Според него, двајца од ранетите се во критична состојба.

Во утринскиот ракетен напад, украинската противвоздушна одбрана собори 14 од 19 истрелани проектили, изјави воениот портпарол Јуриј Ихнат. Ракетите беа соборени во областа надвор од Киев и централниот регион Дњепропетровск.

Според шефот на регионалната воена администрација Олег Синегубов, градот Харков во источна Украина „беше погоден шест пати“. Првите информации укажуваат дека руските сили користеле ракети С-300 во нападот, пренесува AFP.

Share on Facebook

Tweet

Follow us

Save