INFOMAX.MK

Непочитувањето на договореното од Минск ја натера Русија да интервенира во Украина. Ова денеска го истакна руската страна на состанокот на Советот за безбедност на ОН кој беше повикан од страна на Москва.

– Презедовме иницијатива за свикување на денешниот состанок со цел да ги потсетиме сите присутни за тоа што произлезе од намерната саботажа на Киев, рече рускиот амбасадор Василиј Небензија.

Тој рече дека доколку тие договори биле спроведени, Донбас ќе се вратеше на Украина.

Помошникот на генералниот секретар Мирослав Јенча му рече на советот дека војната продолжува да ескалира со засилени напади врз цивили што дополнително ги намалуваат изгледите за праведно и трајно решение.

Соединетите Држави го повторија својот став дека Москва продолжува да го игнорира договорот и повикаа на негова „целосна примена од сите страни“.

Сергиј Кислица, украинскиот амбасадор го изрази своето незадоволство од ставот на Москва, нарекувајќи ги ваквите изјави „пропагандни наративи“.