Рускиот амбасадор во Белград: Русија нема да го признае Косово

Во однос на косовското прашање, Русија е постојано посветена на резолуцијата 1244, не го признава Косово и останува на принципот на поддршка на Белград, изјави рускиот амбасадор во Србија Александар Бочан-Харченко и оцени дека без Русија и Кина нема да има праведно решение за Косово.

Тој за „Вечерње новости“ изјави дека Русија, како постојана членка на Советот за безбедност на ОН, ќе поддржи само решение што одговара на националните интереси на Србија, без разлика дали станува збор за нормализирање на односите или за смирување на актуелната криза.

На прашањето дека поединци изјавиле дека поради руско-украинскиот конфликт Русија може да направи пресврт и да го признае Косово, Бочан-Харченко рече дека тоа не е точно.

Share on Facebook

Tweet

Follow us

Save