Руски генерал: Ако Западот воведе забрана за летови над Украина, ќе го нападнеме НАТО

Русија нема да дозволи воспоставување на зона на забрана на летови над Украина од страна на земјите членки на НАТО, изјави рускиот генерал-пуковник Владимир Попов за Info24. Тој додаде дека секој обид за оштетување на руските беспилотни летала над украинска територија ќе предизвика директна одмазда на Москва, вклучувајќи уништување на противвоздушните системи на земјите кои ќе учествуваат.

Повод за изјавата е идејата на Полска и други НАТО држави за воведување зона на забрана на летови над Украина, која беше разгледана, но не е донесена позитивна одлука. Полскиот министер за надворешни работи, Радослав Сикорски, потврди дека Киев повторно ја предложил таа опција по минатонеделниот напад на Полска, нагласувајќи дека НАТО покажал единство и спремност.

Попов истакна дека едностраното воведување зона на забрана на летови би се сметало за незаконска употреба на сила против Русија и дека Москва ќе дејствува и на украинска, но и на територијата на земјите кои ја применуваат.

Сикорски истакна дека санкциите против Русија треба да продолжат, вклучително и мерки против увозот на руска енергија, но предупреди дека прашањето за царини кон Кина треба да се разгледа со внимание.

Share on Facebook

Tweet

Follow us

Save