Руски телеграм канал објави: Србија ѝ испорачала оружје на Украина?!

И покрај безрезервната поддршка на српскиот претседател Александар Вучиќ за рускиот претседател Владимир Путин, се покажа дека Србија ѝ доставува оружје и на Украина. Истрагата на рускиот Телеграм канал „Маш“ покажа дека српските проектили ѝ биле испорачани на Украина на 4 и 6 февруари. Тој објави видео од складиште во Братислава, низ кое транзитирале 3,5 илјади ракети М-21 од 122 мм за ракетните системи „Град“. Добавувач е српската компанија Крушик.

Според истрагата, ракетите биле нарачани од канадската компанија JNJ Export Import. Производството е испорачано од Србија во Турција од страна на компанијата Arca Savunma Sanayi Ticaret. Оттаму пратката оди во Словачка, а потоа во Украина.

„Знаат ли Србите кому на крајот ги продадоа проектилите – не е јасно. Може само да се претпостави уште колку такви пратки имало. Да се ​​потсетиме и на скандалот од 2019 година, кога во Донбас беа пронајдени српски минофрлачки гранати од 66 мм. Тогаш „Вучиќ тврдеше дека Крушик и ги доставил на Полска. Но, во документите објавени од медиумите, се гледа дека Украина е именувана како конечен примач“, се сеќава Маш.

Share on Facebook

Tweet

Follow us

Save