Руте: Стоиме солидарни со Германија по руските напади

Генералниот секретар на НАТО, Марк Руте преку социјалната мрежа Х соопшти дека разговарал со германскиот канцелар Фридрих Мерц, кому му кажал дека НАТО е во целосна солидарност со Германија по рускиот напад во Лајпциг на 4 август.

„Тукушто разговарав канцеларот Фридрих Мерц. НАТО е во целосна солидарност со Германија по рускиот хибриден напад во Лајпциг на 4 август. Доказите се јасни. И ги поздравувам мерките што ги објави Германија како одговор. НАТО ќе продолжи да ја зајакнува нашата способност да ги одвраќа и брани сите сојузници од каква било закана – вклучително и малигни дејствија како оние видени во Лајпциг и на други места низ Алијансата. Обидите на Русија да нè заплаши, да го поткопа нашето единство и нашата подготвеност да ја поддржиме Украина се залудни и ќе пропаднат. Нашата поддршка за Украина е непоколеблива, како и нашата цврста посветеност на колективната одбрана на НАТО“, соопшти Руте.

Share on Facebook

Tweet

Follow us

Save