САД запленија уште еден танкер во Карипското Море за врски со Венецуела

Американските сили во Карипското Море запленија уште еден танкер за нафта под санкции за кој администрацијата на Доналд Трамп вели дека е поврзан со Венецуела.

Министерката за внатрешна безбедност на САД, Кристи Ноем, напиша на социјалните мрежи дека танкерот „Вероника“ претходно поминал низ венецуелските води и дејствувал спротивно на карантинот за санкционирани бродови во Карибите, наметнат од Трамп.

Ноем, исто така, објави кратко видео кое се чини дека го прикажува запленувањето на бродот. Црно-белите снимки покажуваат хеликоптери како лебдат над палубата на трговски брод, додека вооружени војници се спуштаат на палубата со јажиња.

Танкерот „Вероника“ е шестиот брод што го запленија американските сили како дел од напорите на администрацијата на претседателот Доналд Трамп да ја преземе контролата врз производството, преработката и глобалната дистрибуција на венецуелски нафтени производи, а трет откако САД, во ненадеен ноќен напад пред речиси две недели, го киднапираа венецуелскиот претседател Николас Мадуро.

Share on Facebook

Tweet

Follow us

Save