Објавено на:

САД и Кина постигнаа трговски договор

t

Американскиот министер за финансии Скот Бесент изјави денес дека е постигнат значителен напредок во разговорите на неговиот тим со кинескиот вицепремиер Хе Лифенг во Женева за намалување на тензиите во трговската војна меѓу двете најголеми економии во светот.

Бесент рече дека утре ќе ги објави деталите, а трговскиот претставник на САД, Џејмисон Грир, кој исто така е дел од преговорите, рече дека разликите меѓу двете страни не се толку големи како што се сметаше претходно.

„Со задоволство можам да известам дека постигнавме значителен напредок меѓу САД и Кина во многу важни трговски преговори“, изјави Бесент пред новинарите.

Тој додаде дека го информирал претседателот Доналд Трамп за напредокот и дека утре ќе следи брифинг за деталите. Денес беше втор ден од преговорите за тоа како да се деескалира трговската војна што се заканува да предизвика голема штета на глобалната економија.

„Кинеските претставници се тешки преговарачи“

Грир го опиша заклучокот од состанокот како договор што го постигнале со кинеските партнери, кој ќе им помогне да го намалат глобалниот трговски дефицит на САД од 1,2 трилиони долари.

„Ова беа, како што истакна министерот, два многу конструктивни дена. Важно е да се разбере колку брзо успеавме да постигнеме договор, што покажува дека разликите можеби не се толку големи како што можеби изгледаа“, рече Грир, додавајќи дека кинеските претставници биле тешки преговарачи.

Средбата беше прва директна интеракција меѓу Бесент, Грир и Хе откако двете најголеми економии воведоа меѓусебни царини од над 100 проценти.

ПОВРЗАНИ ВЕСТИ

Трамп го смени шефот за сајбер-безбедност по…

Директорот за национална сајбер-безбедност на Белата куќа,…

Трамп, Путин и Си во заедничка изјава:…

Претседателот на САД, Доналд Трамп, рускиот претседател…

Трамп: САД не ја поддржуваат независноста на…

Американскиот претседател Доналд Трамп изјави дека САД…

Трамп: На САД не им е потребна…

Американскиот претседател Доналд Трамп изјави дека на…

Трамп на 19 ноември планира одделна средба…

Американскиот претседател Доналд Трамп планира на 19…