САД ова не го очекуваше: Кина со остар одговор на американските закани

Кина ќе ги заштити своите компании и луѓе кои се под закана од американски санкции поради трговијата со Русија, изјави портпаролот на кинеското Министерство за надворешни работи Жао Лиџијан.

Лиџијан рече дека Пекинг „ќе ги преземе сите неопходни мерки за одлучно да ги заштити легитимните права и интереси на кинеските компании и поединци“.

Кинескиот функционер ги повтори критиките на неговата влада за едностраните санкции, велејќи дека тие немаат основа во меѓународното право и само предизвикуваат „сериозни тешкотии за економијата и егзистенцијата на луѓето“ во целните земји, наместо да промовираат мир и безбедност.

Вашингтон треба „сериозно да ја сфати загриженоста на Кина“ кога ги спроведува нејзините ограничувања против Русија за да „не им наштети на кинеските права и интереси на кој било начин“, предупреди Жао.

САД го забранија извозот на напредни полупроводници во Русија како одговор на руската воена операција. Забраната не се однесува само на американските компании, туку и на странските компании кои користат американски софтвер и технологии во производството. Земјите како Јужна Кореја, кои сакаат да продолжат да извезуваат во Русија, мора да аплицираат за посебни исклучоци или ќе се соочат со реакција од Вашингтон.

Во интервју за Њујорк тајмс, американската министерка за трговија Џина Раимондо предупреди дека нејзината влада би можела „во суштина да ја затвори“ секоја кинеска компанија што ќе им пркоси на американските санкции.

Таа посочи дека кинеската корпорација за производство на полупроводници се соочува со потенцијална казна поради прекршување на нејзината забрана во Русија.
За разлика од американските сојузници во Европа, Кина одби да ја осуди руската специјална операција во Украина.

Пекинг се согласи со оценката на Москва дека неконтролираното проширување на НАТО во Источна Европа го отвори патот за актуелната криза, пренесува RT.

Share on Facebook

Tweet

Follow us

Save