САД се КАТЕГОРИЧНО ПРОТИВ враќање на српската војска во Косово

Специјалниот претставник на САД за Западен Балкан Габриел Ескобар изјави дека САД категорично се противат на враќањето на српските сили на северот на Косово и Метохија.

„Категорично го отфрламе. Ние тоа воопшто не го поддржуваме“, изјави Ескобар, одговарајќи на новинарско прашање за најавата на Белград дека ќе побара од КФОР враќање на српската војска на северот на Косово.

На прашањето каков ќе биде одговорот на САД доколку Белград навистина испрати војници на северот на Косово, Ескобар одговори дека не очекува тоа да се случи.

„Ќе нагласам, Косово има силни безбедносни гаранции од САД, кои се манифестираат со учество во КФОР“, истакна Ескобар.

Ескобар посочи дека се надева оти наскоро ќе се дојде до решение и наскоро ќе бидат отстранети барикадите на северот на Република Косово, како и дека претставниците на Србите кои ги напуштија институциите ќе се вратат на своите позиции.

Share on Facebook

Tweet

Follow us

Save