Објавено на:

САД создаваат нова Космичка академија по моделот на „Вест Поинт“

t

Претседателот на САД Доналд Трамп потпиша извршна наредба за создавање на Космичка академија на САД – нова институција формирана по моделот на „Вест Поинт“ и другите водечки американски воени академии.

Трамп го објави основањето на академијата за време на посетата на вселенскиот центар „Џонсон“ на НАСА во Хјустон, каде што на екипажот на „Артемис II“ му го додели Конгресниот медал за храброст во вселената.

Трамп изјави дека академијата ќе помогне во обуката на воени лица, инженери и цивилни оператори потребни за Вселенските сили на САД и комерцијалната вселенска индустрија, како и за проширување на амбициите на Вашингтон на Месечината и пошироко.

„Една нација не може да биде прва на Земјата ако биде втора во вселената. Тоа едноставно нема да се случи. Така не функционираат работите“, изјави Трамп.

Трамп исто така рече дека НАСА започнала работа на она што тој го нарече „првиот нуклеарен меѓупланетарен вселенски брод“, кој, според него, би требало да биде лансиран на мисија кон Марс во 2028 година.

Тој изјави дека леталото би можело да биде првото во рамки на поголема американска флота, чија цел би била патувањата во вселената да станат поредовни и подостапни.

Русија и Кина исто така имаат вселенски академии, но главната разлика е во тоа што новата американска Космичка академија има за цел под еден покрив да го обедини образованието и обуката за воениот сектор, односно Вселенските сили, цивилниот сектор, односно НАСА, и комерцијалната вселенска индустрија.

Во Русија и Кина, воените вселенски академии се строго одделени од цивилните вселенски агенции – „Роскосмос“ и CNSA.

ПОВРЗАНИ ВЕСТИ

Си-Ен-Ен: Американското разузнавање верува дека Иран подготвува…

Нови разузнавачки информации на САД укажуваат дека…

САД разгледуваат намалување на военото присуство во…

Намалувањето на американското воено присуство во Европа…

Зеленски: САД презентирале опција за повлекување на…

Украинскиот претседател, Володимир Зеленски, изјави дека американските…

САД ја укинаа забраната за летови, се…

Федералната управа за воздухопловство на САД (ФАА)…

Трамп ќе се сретне со Путин и…

Белата куќа денеска потврди дека американскиот претседател…