САД ЈА ПОДНОВИ УКРАИНА – Киев доби пакет оружје вреден 150 милиони долари

САД ѝ доделија на Украина значаен нов пакет оружје и опрема за поддршка на украинската армија, вреден 150 милиони долари, соопшти денеска Стејт департментот.

Новиот пакет вклучува ракети „Хок“ (Hawk), муниција за артилериски ракетни системи со висока мобилност (HIMARS), артилериски куршуми од 155 мм и 105 мм, минофрлачки куршуми од 81 мм, проектили ТОВ (TOW), противоклопни системи „џавелин“, АТ-4, муниција и гранати за мало оружје и друго оружје и опрема.

Поддршката ќе помогне и да се зајакне воздушната одбрана на Украина од руските напади, како и да се зајакнат капацитетите на Украина преку линијата на фронтот, според Стејт департментот.

Ова е седми пакет безбедносна помош што ќе биде испратена во Украина по овластување на американскиот претседател откако беше потпишан Амандманот за национална безбедност пред два месеца.

Стејт департментот соопшти дека ќе обезбеди нова помош што е можно поскоро за зајакнување на одбраната на Украина, нејзината територија и за нејзиниот народ.

– Како што јасно кажа претседателот Бајден, САД и меѓународната коалиција што ја собравме ќе продолжат да стојат со Украина – рече американскиот државен секретар Ентони Блинкен во изјавата.

Share on Facebook

Tweet

Follow us

Save