Саливан: САД со дополнителни санкции ќе одговорат на сецесионизмот на Додик
Советникот за национална безбедност на американскиот претседател Џејк Саливан изјави дека САД се загрижени поради зголемените закани за територијалниот интегритет на Босна и Херцеговина од претседателот на Република Српска Милорад Додик.
– Ќе продолжиме да одговараме на сецесионистичките акции и нападите врз Дејтонскиот мировен договор, вклучително и преку употреба на дополнителни санкции, посочи Саливан.
Тој го поддржи високиот претставник Кристијан Шмит и овластувањата на Бон за одбрана на Дејтонскиот мировен договор.
– Ние ќе продолжиме да стоиме покрај граѓаните на БиХ и нивната цел за постигнување на демократска и просперитетна БиХ интегрирана во евроатлантската заедница, наведе Саливан.
Американската администрација веќе неколку пати преземаше чекори со цел да ги смири запаливите акции на Додик. Санкционирани се многу поединци и фирми, кои се поврзани со семејството Додик и кои помагаат или директно учествуваат во сецесионизмот и нападот на уставниот поредок на БиХ.
Последните санкции дојдоа во форма на блокирање на неколку фирми од РС, кои неодамна беа реорганизирани, со цел да се овозможи работата на компаниите кои претходно беа санкционирани, како што е АТВ. На списокот сега се додадени и Сириус, ТВ УНА и компанијата во која беа „префрлени“ вработените и работењето на АТВ. На американската црна листа веќе се Милорад Додик и неговите две деца Горица и Игор, Жељка Цвијановиќ, Радован Вишковиќ, министрите од РС Милош Букејловиќ, Петар Ѓокиќ и Ален Шераниќ.
ПОВРЗАНИ ВЕСТИ
Мајка си го продала бебето во Грција,…
Две жени во Грција се соочуваат со…
Голем сајбернапад врз Европската комисија: Можно е…
Европската комисија била цел на голем сајбернапад…
Трамп: САД не ја поддржуваат независноста на…
Американскиот претседател Доналд Трамп изјави дека САД…
Паланчани во сабота излегуваат на протест против…
Жителите на Крива Паланка во сабота излегуваат…
ВМРО-ДПМНЕ: Филипче и СДС бегаат од надзорна…
Филипче и СДС упорно ја повторуваат истата…