Само во периодот од 2020 до 2023 година во сообраќајни несреќи во Македонија загинале 457 луѓе

Фросина, Теодора, Викторија. Речиси секојдневно некој го губи животот на македонските улици и патишта. Само во периодот од 2020 до 2023 година во сообраќајни несреќи во Македонија загинале 457 луѓе. Државниот завод за ревизија констатира дека мерките што ги преземаат надлежните, иако придонесуваат за подобрување, сепак не се ефикасни за намалување на жртвите од сообраќајки.

Ревизорите констатирале дека не се исполнети целите поставени во стратегијата за безбедност во сообраќајот 2015-2020. Бројот на жртви не е намален до европскиот просек, бројот на повредени не е намален за 40 отсто како што е предвидено, и не е постигната целта да не гинат деца во сообраќајки.

Од 2020 година не е донесена нова стратегија. Ревизорите констатирале дека и покрај тоа што се трошат пари, патиштата имаат лоша сигнализација и не се одржуваат како што треба, што го зголемува ризикот од несреќи.

Share on Facebook

Tweet

Follow us

Save