Сан Марино избра шеф на државата кој отворено се деклаира како геј

Најстарата република во светот се етаблира како една од најпрогресивните откако го именуваше првиот шеф на држава во светот кој е отворено геј.

Сан Марино, средновековната микродржава опкружена од сите страни со ридовите во централна Италија, го назначи 58-годишниот Паоло Рондели за еден од двајцата капетани регенти, нејзини шефови на државата, пишува Гардијан.

Рондели е заменик во Големиот и Генералниот совет, парламентот на Сан Марино, а тој беше амбасадор на земјата во САД девет години, завршувајќи го неговиот мандат во 2016 година. Покрај неговите улоги со државата, Рондели е ЛГБТИ активист.

Иако капетаните регент се највисоките избрани функционери во Сан Марино, тие не ја имаат извршната власт. Другиот капетан регент, Оскар Мина, претходно ја имаше оваа улога во 2009 година. И двајцата ќе служат шест месеци.

Сан Марино е основан во 301 година и е една од само неколкуте средновековни европски градски држави кои преживеале до денес, заедно со Андора, Лихтенштајн и Монако. Тој е дом на помалку од 35.000 граѓани.

Премиерот на Луксембург, Ксавиер Бетел, и српската премиерка, Ана Брнабиќ, се вбројуваат меѓу шефовите на влади кои се хомосексуалци, но Рондели е првиот шеф на држава кој отворено е геј.

Назначувањето е значаен чекор за Сан Марино, каде што хомосексуалноста беше казнива со затвор до 2004 година. Тоа се вклопува во широк тренд кој вклучува законско признавање на геј парови во 2016 година и легализиран абортус од минатата година.

„Сан Марино претходно започна по патот на длабока револуција на тема правата“, рече Арцигеј Римини од организацијата за правата на хомосексуалците во италијанскиот град Римини, на помалку од 10 милји од Сан Марино. „Овој пат, гледан од гледна точка на заглавената Италија [каде што беше изгласан нацрт-законот против хомофобично насилство минатата година во Сенатот] е зачудувачки.