Саудиска Арабија испрати хуманитарна помош во Украина

Украина доби хуманитарна помош од Саудиска Арабија во вредност од 94 милиони евра, вклучувајќи ги и многу потребните генератори по серијата руски ракетни напади врз украинските капацитети за производство на електрична енергија.

„Во хуманитарната помош имаше и 135 моќни генератори со 20 до 400 киловати енергија, термички ќебиња и средства за хигиена“, соопшти Андриј Јермак, помошник на претседателот на Украина Володимир Зеленски.

Тој рече дека Киев е многу благодарен за помошта,. Според Јермак, помошта што со три транспортни авиони е донесена во земјата ќе биде поделена на шест украински региони, каде илјадници луѓе ќе имаат корист од неа.

„Хуманитарната помош е знак на солидарност и поддршка што постои меѓу две земји“, додаде Јермак.

Саудиската помош има и голема симболична вредност во услови кога Киев и неговите западни сојузници се „натпреваруваат“ со Москва за поддршката на другите региони во светот, вклучително и на Блискиот исток.

Share on Facebook

Tweet

Follow us

Save