СДСМ: Кошта јасно кажа – уставните измени се единствениот пат, Мицкоски ги лажеше граѓаните

Претседателот на Европскиот совет, Антонио Кошта, директно му порача на Христијан Мицкоски дека уставните измени се единствениот начин за формално започнување на пристапните преговорите со ЕУ. „Ништо повеќе“. Еве уште еден јасен доказ за она што СДСМ го повторува месеци наназад, реагираат од опозициската СДСМ.

„Мицкоски повеќе не смее да им ги мачка очите на граѓаните. ЕУ нема никакви дополнителни услови, нема ниту дополнителни гаранции. Има само еден услов – уставни измени, внесување на малцинствата во Уставот. Сè друго беше лага и одвлекување на вниманието. Распишете референдум веднаш! Граѓаните сами нека одлучат дали сакаат европска иднина или изолација и криминал. Реформи сега. Малцинства во Уставот сега. Европа сега“, стои во соопштението.

Share on Facebook

Tweet

Follow us

Save