СДСМ: Скопје се гуши, Мицкоски и неговите кадри го претворија во еколошка бомба

Скопје со денови е задушено во чад. Граѓаните со најскапото нешто, со своето здравје, ја плаќаат цената на неспособноста и лагите на ВМРО-ДПМНЕ. – вели во прес – конференцијата, Катерина Цаневска Арсовска, носителка на советничка листа на СДСМ и коалицијата во Скопје

Силно загадување од двете најголеми еколошки бомби во градот, депонијата Дрисла и дивата депонија Вардариште ги трујат скопјани, а власта на ВМРО-ДПМНЕ цели четири години не мрдна со прст.

А пред четири години градоначалниците на ВМРО-ДПМНЕ ветуваа фабрика за селекција на отпад во Дрисла, ветуваа затворање и дислокација на Вардариште, покривање и озеленување, замислете, ветуваа и зелена зона Вардариште.

Поминаа четири години, а од ова ВМРО-ДПМНЕ и Мицкоски ништо не направија.

Ги оставија депониите да го загрозат човековото право на здравје и живот.

Депониите трујат, власта е неспособна да го реши проблемот.

Ниту гаснењето на депонијата Дрисла со денови не дава никаков резултат.

Орце Ѓорѓиевски, како претседател на ЗЕЛС, бега од граѓаните и не презема ништо додека скопјани се гушат во чад и отров. До него не допира ни револтот на граѓаните.

Со кое лице утре ќе излезе пред нив и ќе бара доверба и глас?

На скопјани не им се потребни луѓе кои се кријат, кои немаат решенија и не преземаат ништо туку итни мерки за брза санација, за заштита на здравјето и долгорочни решенија.

За еколошката катастрофа вината е кај ВМРО-ДПМНЕ и нивните неспособни кадри и градоначалници токму од оваа партија.

Претседател на Управниот одбор на Дрисла е Даме Димитровски, актуелен советник на премиерот Христијан Мицкоски за животна средина и поранешен претседател на Комисија за животна средина на ВМРО-ДПМНЕ.

ВМРО-ДПМНЕ имаше и директор на Дрисла, Јане Мицевски, човек без никакво соодветно искуство, замислете, магистер за туризам и менаџмент.

Со депонијата Вардариште, познато е, со децении управуваат градоначалници на ВМРО-ДПМНЕ.
ВМРО-ДПМНЕ е елементарна непогода за Скопје. Скопјани ќе испорачаат казна на локалните избори за оваа екоцидна власт која со години ги лаже и труе граѓаните. – додава Цаневска Арсовска.

Share on Facebook

Tweet

Follow us

Save