Секоја чест: Андријана Јаневска во Пустец ја промовира книгата со македонските песни кои девет години ги собирала таму!
„Народното творештво претставува еден од најзначајните сегменти во севкупниот материјално-духовен идентитет на македонскиот народ“ – напиша Андријана Јаневска до фотографиите од промоцијата на книгата во која се собрани народните песни од Македонците во Мала Преспа, Голо Брдо и Гора.
Нашата пејачка и сопственичка на училиште по естрадно соло пеење, Андријана Јаневска, неодамна стана доктор на науки, а деновиве се упати во Корча, Албанија каде ја промовираше нејзината најнова книга, посветена токму на Македонците од овој регион.
Веќе е познато дека Андријана 9 години напорно работела за да заштити над 150 македонски народни песни во регионите Мала Преспа, Голо Брдо и Гора, a викендов пред Македонците во Албанија ја промовираше книгата во која е собран нејзиниот труд.
Книгата е насловена „Македонското традиционално народно пеење во: Мала Преспа, Голо Брдо и Гора“, а беше промовирана во музејот Стерјо Спасе.
„Народното творештво претставува еден од најзначајните сегменти во севкупниот материјално-духовен идентитет на македонскиот народ.
Истражувањата покажаа дека чувството за: јазикот, припадноста и идентитетот никогаш не ги напуштило Македонците од овие региони.
Во текот на моите теренски истражувања, но и во многу книги сретнав записи и кажувања како македонскиот фолклор сакаат да го прикажат како туѓ.
Македонскиот народ, кој живее во овие три региони, токму преку традиционалните македонски песни, во разни варијанти, е поврзан како еден единствен народ, кој, за жал, во минатото бил разделен“ – пишува Андријана на нејзиниот Фејсбук профил.
Фото и извор: Црнобело
ПОВРЗАНИ ВЕСТИ
Трамп: Ќе ја стигнеме Кина во производството…
Претседателот Доналд Трамп изјави дека Соединетите Американски…
Граѓанските здруженија ги бојкотираа: Шукова држеше говор…
Сериозна превенција на родово базираното насилство, одговорност…
САД подготвуваат тест на интерконтинентална ракета среде…
Американските воздухопловни сили планираат пробно лансирање на…
Епидемијата на ебола во Конго е надвор…
Епидемијата на ебола на истокот од Демократска…
Вучиќ до Студентската листа: Ужасно ми е…
Претседателот на пратеничката група „Александар Вучиќ –…