Серафимовски на средба со откупувачите на пиперки

Во рамки на континуираното следење на откупот на пиперката, министерот за земјоделство, шумарство и водостопанство, Борче Серафимовски одржа работна средба со претставници на Македонската асоцијација на преработувачи (МАП), соопштија од Министерството.

На средбата се разговарало за тековната динамика на откупот, капацитетите за прием и преработка на произведените количини, како и за други прашања поврзани со непречениот тек на целиот процес.

Министерот Серафимовски укажал на потребата од одговорен пристап, транспарентни услови и доследно почитување на законските обврски од сите учесници во откупот.

Министерството за земјоделство, шумарство и водостопанство, во рамки на своите надлежности, продолжува непосредно да го следи откупниот процес и да одржува активна комуникација со производителите, откупувачите и преработувачите.

Share on Facebook

Tweet

Follow us

Save